الوردة الحمراء ورد متميز
عدد الرسائل : 215 المزاج : متقلب_رومنسيه نقاط : 304 تاريخ التسجيل : 12/05/2008
| موضوع: قصيدة فلسطيني ممنوع يعيش... الخميس ديسمبر 03, 2009 2:44 pm | |
| قصيدة "فلسطيني ممنوع تعيش -----"
قالولك اسكت ما تحكيش انت خلقت للتلطيش للحواجز للمعابر للتفتيش كتبوا على جبينك ينداس من الضابط للشاويش فلسطيني قالولك ممنوع تعيش فلسطيني ممنوع تثور ومش مسموح تكون مقهور اياك تطالب بحقك اوعك بيوم تشوف النور *****
ممنوع تجدد هويه ممنوه تجدد بسبور فلسطيني وبدك تتعلم هاي الشغلة ضد الدستور فلسطيني لازم تتألم من دون ما يشوفك دكتور فلسطيني ممنوع تتظلم ولا يطلع بجناحك ريش فلسطيني ممنوع تعيش *****
فلسطيني بكل المطارات اسمك بالاحمر مكتوب وعلى شباك مصلحة الجوازات كتبوا على جبينك مطلوب لازم تتوقف ساعات مذنب او مندون ذنوب ويتوجه الك اتهامات انك سبب كل الحروب كأنو بسببك الحق مات والعدل بارضك مسلوب وكأنك سبب النكسات وكل ازمات الشعوب وكأنو بسببك مجرم فات على جنين بلحظة الغروب ودبح صبيان وبنات وعجز على امرها مغلوب *****
مع انو الحقيقة انا الي بالدنيا ضحية عملتوني مادة للغنى وقضية للي ما عندوا قضية انا الي راسي ما انحنى بوجه الريح القوية انا الي شعبي صمد في الضفة وبالرشيدية انا الي شعبي انتفض وبحجر حارب دورية واليوم وبكرا وللابد عنا كلمة وحدة فلسطيني وافتخر
| |
|
الوافي ورد مشارك
عدد الرسائل : 4 الموقع : الرياض المزاج : رااااايق نقاط : 4 تاريخ التسجيل : 26/03/2011
| موضوع: رد: قصيدة فلسطيني ممنوع يعيش... الثلاثاء مارس 29, 2011 11:39 pm | |
| الله قصيده في الصميم الله ينصر فلسطين .. رغم الحصار والجور الا ان فلسطين وأبناء فلسطين قد غزو العالم بعلمهم وحصافت فكرهم. اشكرك ايتها الوردة الحمراء الجميله.. | |
|